პარაპროქტიტი
რა არის სწორი ნაწლავის აბსცესი (პარაპროქტიტი)? პარაპროქტიტი სწორი ნაწლავის ირგვლივ მდებარე ქსოვილების ჩირქოვანი ანთებაა. არჩევენ მწვავე (პირველად განვითარებულ) და ქრონიკულ პარაპროქტიტს (ვითარდება როგორც მწვავე პარაპროქტიტის არასწორი მკურნალობის შედეგი). რექტალური აბსცესები ხშირ შემთხვევაში გვხვდება ავადმყოფებში, რომელთაც აქვთ ანორექტული დაავადებები, დიაბეტი, ალკოჰოლიზმი და ნევროლოგიური დაავადებები. ინფექციები ამ მიდამოში ხშირად ვითარდება მწვავე ლეიკოზით დაავადებულ ადამიანებში, განსაკუთრებით ნეიტროპენიის არსებობისას.